ra.ngavaale der kyaa hai meraa cholaa ra.ng de .
aur saare ra.ng dho kar ra.ng apanaa ra.ng de ..

kitane hii ra.ngo se maine aaj tak hai ra.ngaa ise .
par vo saare phiike nikale tuu hii gaa.Dhaa ra.ng de ..

tuune ra.nge hai.n zamii.n aur aasamaa.n jis ra.ng se .
bas usii ra.ng se tuu aakhir meraa cholaa ra.ng de ..

mai.n to jaanuu.ngaa tabhii terii ye ra.ngandaaziyaa.n .
jitanaa dhouu.n utanaa chamake ab to aisaa ra.ng de ..

back to List